By Neha Sabharwal
Beti se maa ka safar
Befikri se fikar ka safar
Rone se chup karane ka safar
Utsuktta se sayam ka safar
Pehle joh anchal mein chhup jaaya karti thi
Aaj kisi ko aanchal mein chhupa leti hai
Pehle joh ungli pe garam lagne se ghar ko uthaya karti thi
Aaj hath jal jane par bhi khana banaya karti hai
Choti choti baton pe ro jaya karti thi
Badi badi baton ko man mein rakha karti hai
Pehle Doston se lad liya karti thi
Aaj unse baat karne ko taras jati hai
Ma keh kar poore ghar mein uchla karti thi
Ma sunke dhire se muskuraya karti hai
10 baje uthne par bhi jaldi uth jana hota tha
Aaj 7 baje uthne par bhi late hojata hai
Khud ke shauk poore karte karte hi saaal guzar jata tha
Aaj khud ke liye ek kapda lene mein aalas aajata hai
Poore din free hoke bhi busy bataya karte thee
Ab poore din kaam karke bhi free kehlaya karte hai
Saal ki ek exam ke liye poore saal padha karte thee
Ab Har din bina tayari ke exam diya karte hai
Na jane kab kisi ki beti se kisi ki Maa ban gaye,
Kab beti se Maa ke safar mein tabdil hogaye