By Gunjan Udhani
Do minute free ho beti?
Har samay kahin busy hoti,
Har sadasya ka khayal rakhti,
Na jaane kaunsi zimmedari hai le baithi.
Jab poochhun, “Sab badiya hai Mummy” bas yahi kehti,
Do minute free ho na beti?
“Khaana banana hai Mummy,
Bachchon ke school ka time ho gaya hai Mummy,
Inke office ka time ho gaya hai Mummy…”
Zara poochhun to do minute free hai meri beti?
Tarah tarah ke jawaab deti,
Jaane kab hai free rehti…
Sapno mein apni udaan bharti,
Sochti rehti “Kabhi to udungi main bhi…”
Tinka tinka jod ke rakhti,
Har moti piroye rakhti.
Meri beti hai ya jaadu ki chhadi?
Har pariksha mein khari utarti,
Do minute free ho na beti?
“Mummy, tum jodon ke dard ka tel kaise banati?”
Zara mujhe bhi batao, main apni sasu maa ko lagati…
Papa ke jaise hi sasur ji se kehti
“Ek aur roti le aau Papaji?”
Do minute free ho na beti?
Devar–Nanand ko naazon se rakhti,
Bade buzurgon ki daant se dhakti.
Maa–Papa ka haal le leti,
Bhai–beheno se chat hi kar leti.
Badi pyaari hai meri beti!
Chalo kal phir poochhungi…
Do minute free ho na beti??