ಜೀವನ

By Hema Morab

ಮಾನವ ಜೀವನ ನೀರಿನ ಮೇಲಿನ 
ಗುಳ್ಳೆ ಇದ್ದಂತೆ 
ಅದನ್ನು ಅರಿತು ಬಾಳೋಣ ನಾವೆಲ್ಲ ||ಪ||

ಯಾರೂ ಇಲ್ಲಿ ಶಾಶ್ವತ ಇರಲು
ಬಂದಿಲ್ಲ, ಮತ್ಯಾಕೆ ಯೋಚಿಸೋದು
ಸುದೀರ್ಘವಾಗಿ ತಲೆ ಕೆಡಿಸಿಕೊಂಡು ||೧||

ಬದಲಾವಣೆಯು ಈ ಜಗದ ನಿಯಮವಿರುವಾಗ
ಪ್ರಕೃತಿಗೆ, ನಾವು ಸೂಜಿಗಿಂತ ಚಿಕ್ಕವರು 
ನಮಗೆ  ಅನ್ವಯಿಸುವುದಿಲ್ಲವೇ ||೨||

ಕಷ್ಟ -ಸುಖ ಬರತಾವ ಜೀವನದಾಗ 
ನಮ್ಮನ್ನು ಗಟ್ಟಿ ಮಾಡಾಕ, ಅದನ್ನು ಅರಿತು 
ಜೀವನ ಸಾಗರ ದಾಟಬೇಕು ನಾವೆಲ್ಲ  ||೩||

ಇರಬೇಕು ಇದ್ದು ಜಯಿಸಬೇಕು 
ಜೀವನದೊಂದಿಗೆ ಹೊಂದಾಣಿಕೆ ಆಗೋದು 
ನಮ್ಮ ನಿಯಮವಾಗಲಿ  ||೪||

ಮಾನವನ ಜೀವನ ಸುಂದರ 
ಎಂಬುದು ಅರಿತು
ಸಂತಸದಿಂದ ಇರೋಣ ನಾವೆಲ್ಲ ||೫||

ಉಸಿರು ಹೋಗಲು ಒಂದು ಗಳಿಗೆ 
ಸಾಕು ಎಂಬುದು ತಿಳಿದು
ಇರುವ ತನಕ ನೆಮ್ಮದಿಯಾಗಿ ಬಾಳೋಣ ||೬||

ಸಂತಸ, ಶಾಂತಿ, ದೈರ್ಯ, ಉತ್ಸಾಹ 
ಎಲ್ಲಿ ಸಿಗುವುದಿಲ್ಲ, ಅವು ನಮ್ಮೊಳಗೆ 
ಉತ್ಪತ್ತಿಯಾಗುವ ಜೀವನ ಔಷಧಿ ಅವೆಲ್ಲ ||೭||

ಹುಟ್ಟು -ಸಾವು, ಕಷ್ಟ -ಸುಖ
ಯಾರನ್ನೂ ಬಿಟ್ಟಿಲ್ಲ, ಅವಕ
ಬಡತನ-ಸಿರಿತನ ಎಂಬ ಬೇಧವಿಲ್ಲ  ||೮||

ಎಂಟೊಂಬತ್ತು ದಶಕದಾಗ ನಮ್ಮ ದೇಹ
ಒಂದೆರಡು ಶತಕದಾಗ ನಮ್ಮ ಹೆಸರು
ನಶಿಸಿ ಹೋಗುವುದು ಗುರುತು ಸಿಗದಂಗ ||೯||

ಪಾಲಿಗೆ ಬಂದದ್ದು ಪಂಚಾಮೃತ 
ಎಂದರಿತು ಮುಂದೆ ಸಾಗೋಣ 
ಗುರಿ ತಲುಪೋಣ ||೧೦||