সময়

By Gojendra Prasad Borah

সময়ত আহিব সময়ত যাব,
সময় অনুবতে ঘটনা ঘটিব।
সময়ৰ সোঁৱৰণি সময়ত পাহৰণি,
অঘটন দাবাগ্নি পৰিশেষ মুখাগ্নি।
অৰ্ধদগ্ধ মৃতদেহ উপহাস মৰমস্নেহ,
নিয়তিৰ পৰিঘ ত্ৰাসিতৰ বিদেহ ।
 
মানৱ জীৱন সময়ৰ সাজন,
শৈশৱ, তৰুণ সময়ত যৌৱন। 
জনমৰ আৰম্ভণ মৰণৰ আৱাহন, 
সময়ৰ নিৰ্ঘটন সকলো সমাপন। 
সময়ত পাবলৈ সময়ত খাবলৈ,
সময়ত যোৱালৈ নহ'ব ৰ'বলৈ ।
কৰাবলৈ উত্তৰণ আনিবলৈ জাগৰণ, 
সময়ত আৰম্ভণ সময়ত সমাপন।
  
সময় নদী সঁৱতি নিৰৱধি জাগৃতি,
আচনিৰ সুপ্ৰস্তুতি জীৱনৰ উন্নতি।
সময়েই কাৰক ধাৰক বাহক, 
সময়েই বিচলক উদ্বোধক সমৰ্থক।
প্ৰাপ্তি- নিষ্পত্তিৰ সময়মতে স্থিৰ,
হলেও অধীৰ সৰ্বক্ষেত্ৰে স্থবিৰ। 
সময়ত প্ৰবাহিত সময়ত সমাহিত, 
সময়ত উচ্চাসিত সময়তেই নিৰ্বাপিত।