By Mahima Jain
kuch boondon mein bheeg gayi main
Roz toh apne ghar ki deewaron ke dayrein mein
Paani chidhak toh leti hun
Par jaane inn baarish ki boondein
Mein kya hai
Jo mujhe thoda geela
Thoda seela bhigo gayi
Shitij par jahan samandar hawa baddal
Sab aapas mein mil dhundhle ho gaye
Paani hi tha saara
Sarhad tay na thi koi
Meri rooh mein buss gayein
Kuch boondein bankar beh gayi main