By Bitupan Das
Duniya ke chehre pe chehra dekhkar khush ho jata hoon
Ab ye naqab uthakar dekhne se darr lagta hai
.
Dushman ko bhi dost maan kar chalne ki khwahish hoti hai mujhko
Magar peeth me khanjar bhokega, is baat se darr lagta hai
.
Maine bahut dekhe, paraye bhi, jo apne ho jaate hain
Magar apno ke paraye ho jaane ka darr lagta hai
.
Maine bahut dekhe ishq ke khayal mein doobe log
Magar ishq ki qadar na karne ka darr lagta hai
.
Maine gareebon ko roti ke liye marte hue dekha hai
Magar roti hote hue bhi sapno ka gala ghutne ka darr lagta hai
.
Maine raaton ko rote hue dekha hai
Magar subah ka intezar na ho is se darr lagta hai
.
Mann mein bal ho to maine parbat ko bhi jhukte hue dekha hai
Magar parbat ke shikhar pe pahuch kar bhi, haar jaane se darr lagta hai