રામ નામ 'સત્ય' હૈ

By Heer Nimavat

માર‌ પરભુને ફૂટી નારંગી પાંખ

અમાર‌ કેવા‌‌ કેવા‌ તે સદભાગ

કે માર‌ પરભુને ફૂટી નારંગી પાંખ

પેલા તો આસમાની આભમાં 

હતા તદ્દન આભલા

રામ‌ મારા‌ હતા અંગ રામના

હવે ધજાયુંમાં બાંધેલા

ને‌ પોસ્ટરમાં કાઢેલા

માર પરભુ કોઈના ઉગતા સૂરજ સાથે 

કોઈના કેસરી આભે ચગાવેલા

તે‌ પછી આ સબરીની ઝુપડીથી ખેંચાતી આંખ

આ જો‌‌ ને, માર‌ પરભુ ને ફૂટી નારંગી પાંખ

હવાઓમાં લદાયો કરફ્યુ

પુષ્પક વિમાનને પણ ફરકવાની બીક

"રથ રાજ્ય સભા થી નીકળી ગયો છે!"

આ શું? વાનરસેનાને માનવી જીભ!

મારી શ્રદ્ધાને‌ જન્મ્યું નવલું બર્થ સર્ટિફિકેટ 

ઈતિહાસ, કાઢ‌ દૂરબીન કાઢ!

ચકલી ઉડે 

ને ઉડે માર રામ

હવે દૂર એટલા કે પરભુ પરખાઈ નહીં

કેસરી ખરા પણ મારા દેખાય નહીં

બસ ખબર એટલી કે 

નારંગી દેશના નારંગી પ્રચારક

નારંગી સ્વર્ગ અને નારંગી નરક

નારંગી સ્યાહી થી 

બચતી મારી કલમ

રામ‌ નારંગી આભમાં

માર ખભે નારંગી ચરક